ప‌వ‌ర్‌స్టార్ ప‌వ‌న్‌క‌ల్యాణ్ రీఎంట్రీ త‌ర్వాత వ‌రుస సినిమాల‌కు గ్రీన్ సిగ్న‌ల్ ఇస్తూ వ‌చ్చారు. తొలి చిత్రంగా పింక్ రీమేక్‌గా వ‌కీల్‌సాబ్‌ను సిద్దం చేసే ప్ర‌య‌త్నాల్లో ఉన్నారు. ఆ క‌మ్రంలో క‌రోనా వైర‌స్ ప్ర‌భావం స్టార్ట్ కావ‌డంతో సినిమాల షూటింగ్ ఆగింది. వ‌కీల్‌సాబ్ త‌ర్వాత ప‌వ‌న్ రెండు సినిమాల‌కు గ్రీన్ సిగ్న‌ల్ ఇచ్చారు. అందులో ఒక‌టి క్రిష్ ద‌ర్శ‌క‌త్వంలో తెర‌కెక్కే పీరియాడిక‌ల్ మూవీ. మ‌రో చిత్రం హ‌రీష్ శంక‌ర్ ద‌ర్శ‌క‌త్వంలో చేయ‌బోతున్నాడు. ఈ రెండు సినిమాల‌పై ఇప్పుడు క‌రోనా ప్ర‌భావం బాగానే చూపుతుంది.

ఒక ప‌క్క క‌రోనాతో పాటు క్రిష్ అండ్ టీమ్‌ను రీసెంట్‌గా కురిసిన వాన కూడా ఇబ్బంది పెట్టింద‌ట‌. వర్షాల కార‌ణంగా ప‌వ‌న్ 27వ సినిమా కోసం క్రిష్ సిద్ధం చేసిన సెట్స్ పాడ‌య్యాయ‌ట‌. వీటితో ఇప్పుడు షూటింగ్ చేయ‌డం కుద‌ర‌ని అంటున్నార‌ట‌. వ‌ర్షాల కార‌ణంగా కోటి రూపాయ‌ల సెట్ పాడైంద‌ని అంటున్నారు. నిర్మాత‌కు ఇదొక స‌మ‌స్య‌గా మారింది. పీరియాడిక‌ల్ స్టోరీతో తెర‌కెక్క‌బోతున్న ఈ సినిమా మొఘ‌ల్ కాలం బ్యాక్‌డ్రాప్‌తో రూపొంద‌నుంది. ఈ చిత్రానికి విరూపాక్ష అనే టైటిల్ ప‌రిశీన‌లో ఉంది. ముందు వ‌కీల్ సాబ్‌ను పూర్తి చేసిన త‌ర్వాత ప‌వ‌న్ త‌న 27వ సినిమా షూటింగ్‌లో పాల్గొంటారు.