கஜா புயல்: பாதிக்கப்பட்ட மக்களுக்கு விஜய்சேதுபதி செய்த உதவி
- IndiaGlitz, [Monday,November 19 2018]
சமீபத்தில் ஏற்பட்ட கஜா புயலால் டெல்டா மாவட்டங்கள் கடந்த 25 ஆண்டுகளில் சந்தித்திராத பெரும் பேரழிவை சந்தித்துள்ளது. அந்த பகுதி மக்களின் வாழ்வாதாரங்கள் முற்றிலும் சிதைந்துவிட்ட நிலையில் டெல்டா மாவட்ட மக்களுக்கு திரையுலகினர் உள்பட பலர் உதவி செய்து வருகின்றனர்.
இந்த நிலையில் புயலால் பாதிக்கப்பட்ட பெரும்பாலான பகுதியில் மின்சாரம் இன்னும் திரும்பவில்லை. லட்சக்கணக்கான மின்கம்பங்கள் புயலால் சேதமடைந்துவிட்டதால் புதிய மின் இணைப்பது கொடுப்பது போன்ற பணி மலையளவு மின் துறையினர் முன் உள்ளது. இருப்பினும் மின்சாரவாரிய ஊழியர்கள் இரவுபகலாக தங்கள் பணியை செய்து வருகின்றனர்.
இந்த நிலையில் கஜா புயலால் பாதிக்கப்பட்ட மக்களுக்கு எமர்ஜென்சி லைட் உள்ளிட்ட ரூ.25 லட்சம் மதிப்புள்ள நிவாரணப் பொருட்களை நடிகர் விஜய் சேதுபதி அளித்துள்ளார். இருளில் தவிக்கும் மக்களுக்கு விஜய்சேதுபதி கொடுத்துள்ள ஆயிரக்கணக்கான எமர்ஜென்ஸி லைட் பேருதவியாக இருக்கும் என கருதப்படுகிறது. மேலும் புயலால் மரணம் அடைந்த குடும்பங்களுக்கு விஜய்சேதுபதி தனது ஆழ்ந்த இரங்கலையும் தெரிவித்தார்.