அஜித் படத்தை பாராட்டிய விஜய் பட வில்லன்
- IndiaGlitz, [Saturday,June 09 2018]
அஜித், காஜல் அகர்வால் நடிப்பில் சிவா இயக்கத்தில் கடந்த ஆண்டு வெளியான திரைப்படம் விவேகம். அஜித் ரசிகர்களால் பெரிதும் ரசிக்கப்பட்ட இந்த படம் சமீபத்தில் 'வீர்' என்ற பெயரில் இந்தியில் வெளியாகி அங்கும் நல்ல வரவேற்பை பெற்றுள்ளது.
இந்த நிலையில் 'வீர்' படத்தை பார்த்த பிரபல வில்லன் நடிகர் அபிமன்யூசிங், படத்தையும் அஜித் நடிப்பையும் இயக்குனரின் பணியையும் பாராட்டியுள்ளார். தனக்கு மிகவும் பிடித்த நடிகர் அஜித் என்றும், அவருடைய அனைத்து படங்களையும் பார்த்து ரசிப்பதாகவும் கூறிய அபிமன்யூசிங், 'வீர்' படம் சிறப்பாக இருந்ததாகவும் குறிப்பாக அஜித் நடிப்பும் ஆக்சன் காட்சிகளும் சூப்பர் என்று கூறி பாராட்டியுள்ளார். அஜித்தின் நடிப்பும் அவர் காட்டிய முகபாவங்களையும் பார்க்கும்போது அவர் ஒரு புலி மாதிரி இந்த படத்தில் இருந்தார் என்றும் அவர் மேலும் கூறியுள்ளார்.
அபிமன்யூசிங், விஜய் நடித்த 'வேலாயுதம், விக்ரம் நடித்த '10 எண்றதுக்குள்ள', கார்த்தி நடித்த 'தீரன் அதிகாரம் ஒன்று' உள்பட ஒருசில தமிழ் படங்களிலும் ஏராளமான இந்தி படங்களிலும் நடித்தவர் என்பது குறிப்பிடத்தக்கது.