తెలుగు మూవీని రీమేక్ చేస్తున్న విజయ్ ఆంటోని...
- IndiaGlitz, [Sunday,September 02 2018]
న‌కిలీ, డా.స‌లీమ్ చిత్రాల‌తో మంచి న‌టుడిగా పేరు తెచ్చుకున్న విజయ్ ఆంటోని బిచ్చగాడు స‌క్సెస్‌తో పెద్ద క‌మ‌ర్షియ‌ల్ మార్కెట్‌ను తెలుగులో క్రియేట్ చేసుకున్నాడు. త‌ర్వాత ఈయ‌న చేసిన సినిమాలు పెద్ద‌గా స‌క్సెస్ కాక‌పోయినా.. విజయ్ ఆంటోని సినిమాల‌కు క్రేజ్ ఉంది.
ఈ క్రేజ్‌ను పొగొట్టుకోకుండా ఉండాల‌ని విజయ్ ఆంటోని ప్ర‌య‌త్నాలు మాత్రం మానుకోవ‌డం లేదు. అయితే తెలుగులో ఓ సినిమాను త‌మిళంలో రీమేక్ చేయ‌బోతున్నాడ‌ట ఈ హీరో. తెలుగులో నెపోలియ‌న్ పేరుతో ఆనంద్ ర‌వి ద‌ర్శ‌క‌త్వం వ‌హిస్తూ ప్ర‌ధాన పాత్రలో న‌టించిన చిత్రమిది.
ఇందులో నీడ‌పోయింది అనే కాన్సెప్ట్‌తో సినిమా అంతా ర‌న్ అవుతుంది. అయితే దాని వెనుక కార‌ణ‌మేంట‌నేదే అస‌లు క‌థ. స్పస్పెన్స్ థ్రిల్ల‌ర్‌. ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు జ‌రుగుతున్నాయ‌ట.