தளபதி விஜய் நடித்த 'மெர்சல்' திரைப்படத்திற்கு ஒருசில கலவையான விமர்சனங்கள் வெளிவந்தபோதிலும் பெருவாரியான ஊடகங்கள், சமூகவலைத்தள பயனாளிகள் அளித்த பாசிட்டிவ் விமர்சனங்கள் காரணமாக கடந்த இரண்டு நாட்களாக இந்த படம் திரையரங்குகளில் ஹவுஸ்புல்லை சந்தித்து வருகிறது.

இந்த நிலையில் 'மெர்சல்' படத்தின் ரிலீசை விழா போல் கொண்டாடிய ஐக்கிய அரபு நாடுகளில் உள்ள விஜய் ரசிகர்கள் இந்திய தபால்துறையினர்களின் உதவியுடன் விஜய் படத்துடன் கூடிய ஐந்து ரூபாய் மதிப்பிலான தபால்தலையை வெளியிட்டுள்ளனர். சமீபத்தில் நடந்த இந்த தபால்தலை வெளியீட்டின்போது விஜய் மக்கள் இயக்கத்தினர் பெருவாரியாக கலந்து கொண்டனர். விஜய் புகைப்படத்துடன் தபால்தலை வெளியாவது இதுவே முதல்முறை என்பது குறிப்பிடத்தக்கது. 

எம்ஜிஆர், சிவாஜி, ஜெமினிகணேசன் உள்பட பல நட்சத்திரங்களின் தபால்தலைகள் இதுவரை வெளிவந்துள்ள நிலையில் அந்த பட்டியலில் தற்போது தளபதியும் இணைந்துள்ளது அவருடைய ரசிகர்களுக்கு பெருமைக்குரிய ஒன்றாக கருதப்படுகிறது.