சூப்பர் ஸ்டார் ரஜினிகாந்த் நடித்த 'பேட்ட' மற்றும் தல அஜித் நடித்த 'விஸ்வாசம்' ஆகிய இரண்டு திரைப்படங்களும் பொங்கல் விருந்தாக ஜனவரி 10ஆம் தேதி வெளியாகிறது.

இந்த நிலையில் ஜனவரி 10ஆம் தேதியை அடுத்து 11ஆம் தேதி மற்றும் 14ஆம் தேதி ஆகிய இரு நாட்களும் வேலை நாட்களாகவும், அதன் பின் 15, 16, 17 ஆகிய மூன்று நாட்களும் விடுமுறை நாட்களாகவும் இருந்தது.

இந்த நிலையில் சற்றுமுன் தமிழக அரசு பிறப்பித்த உத்தரவு ஒன்றில் ஜனவரி 14ஆம் தேதி விடுமுறை தினம் என்றும், அதற்கு பதிலாக பிப்ரவரி 9ஆம் தேதி வேலை நாள் என்றும் அறிவித்துள்ளது. இந்த அறிவிப்பால் ஜனவரி 12 முதல் 17 வரை தொடர்ச்சியாக 6 நாட்கள் விடுமுறை நாளாகிறது. இந்த ஆறு நாட்களிலும் ஐந்து காட்சிகள் திரையிட அனுமதியும் கிடைத்துள்ளதால் 'பேட்ட', 'விஸ்வாசம்' ஆகிய பொங்கல் படங்களுக்கு நீண்ட விடுமுறை இடைவெளி அதிர்ஷ்டவசமாக கிடைத்துள்ளது. இதனால் இரு படங்களின் ஓப்பனிங் வசூல் எகிறும் என எதிர்பார்க்கப்படுகிறது