ஊத்தங்கரை அருகே ஒரு இளம்பெண் திருமணமாகி 15 நாட்களில் அழகான ஆண்குழந்தை பெற்றதால் மாப்பிள்ளையும் அவரது குடும்பத்தினர்களும் அதிர்ச்சியில் உறைந்துள்ளனர்.

ஊத்தங்கரை அருகே உள்ள அஜீஸ் என்பவருக்கும் பர்வீன் பானு என்பவருக்கும் கடந்த 15 தினங்களுக்கு முன் திருமணம் ஆனது. திருமணம் ஆகி புகுந்த வீட்டிற்கு வந்தது முதல் பர்வீன் பானு அடிக்கடி வயிற்றுவலி என்று கூறியதால் மாப்பிள்ளை வீட்டார் முதலிரவுக்க்கு கூட தேதி குறிக்காமல் இருந்துள்ளனர்.

இந்த நிலையில் நேற்றிரவு பர்வீன் பானுவுக்கு திடீரென வயிற்றுவலி அதிகமானது. இதனையடுத்து பர்வீனை அஜிஸ் மற்றும் அவரது குடும்பத்தினர் மருத்துவமனையில் சேர்த்தனர். மருத்துவர்கள் பர்வீனை சோதனை செய்து அவர் நிறைமாத கர்ப்பிணி என்றும் இன்னும் சில மணி நேரத்தில் குழந்தை பிறந்துவிடும் என்றும் கூறியதால் அஜிஸ் அதிர்ச்சி அடைந்தார். மருத்துவர்கள் சொன்னது போலவே குழந்தையும் சில நிமிடங்களில் பிறந்தது. ஆனால் அஜிஸ்தான் அதிர்ச்சியில் தலைமறைவானார். அவரை தேடும் பணியில் அவரது குடும்பத்தினர் ஈடுபட்டுள்ளனர்.

திருமணத்திற்கு முன்பும், திருமணத்திற்கு பின்னரும் ஒன்பது மாத கர்ப்பிணியை மாப்பிள்ளை வீட்டார் கண்டுபிடிக்காமல் இருந்தது பெரும் ஆச்சரியத்தை அளிக்கின்றது.