మెగాప‌వ‌ర్ స్టార్ రాంచ‌ర‌ణ్ ధృవ ఎట్ట‌కేల‌కు ఓవ‌ర్‌సీస్‌లో త‌న స‌త్తాను చాటాడు. సురేంద‌ర్ రెడ్డి ద‌ర్శ‌క‌త్వంలో గీతాఆర్ట్స్ బ్యాన‌ర్‌పై అల్లు అర‌వింద్‌, ఎన్‌.వి.ప్ర‌సాద్‌లు నిర్మించిన ఈ యాక్ష‌న్ థ్రిల్ల‌ర్ డిసెంబ‌ర్ 9న విడుద‌లై, సెన్సేష‌న్ క్రియేట్ చేస్తున్నాడు. తెలుగు రాష్ట్రాలు, ఇండియా వైడ్ క‌లిపి ఇప్ప‌టి వ‌ర‌కు ముప్పై కోట్ల‌కు పైగా షేర్ సాధించిన ఈ చిత్రం ఓవ‌ర్‌సీస్‌లో మిలియ‌న్ డాల‌ర్స్‌ను సాధించింది. రాంచ‌ర‌ణ్ కెరీర్లో మిలియ‌న్ డాల‌ర్స్ మార్కును అందుకున్న తొలి చిత్రం కూడా ధృవ కావ‌డం విశేషం.

ధృవ సినిమాతో ఓవ‌ర్‌సీస్‌లో కూడా త‌న మార్కెట్ రేంజ్‌ను పెంచుకోవాల‌ని చ‌ర‌ణ్ చేసిన ప్ర‌య‌త్నాలు మంచి ఫలితాల‌నే ఇచ్చాయి. సినిమా ప్రీమియ‌ర్ నుండి చ‌ర‌ణ్ స‌హా యూనిట్ అంతా యు.ఎస్‌లోనే ఉన్నారు. స్పెష‌ల్ ఇంట‌ర్వ్యూస్‌, అక్క‌డివారితో ఇంట‌రాక్ష‌న్ అన్నీ ఈ ధృవ‌కు బాగా క‌లిసొచ్చాయి.