నితిన్, నిత్యా మీనన్ జంటగా రూపొందిన 'ఇష్క్' సినిమాతో తెలుగు ప్రేక్షకులకు చేరువైన దర్శకుడు విక్రమ్ కుమార్. ఆ సినిమాతో మంచి టేస్ట్ ఉన్న డైరెక్టర్ గా ఆయనకు మంచి పేరు వచ్చింది. ఆ పేరే అతనికి మరో తెలుగు సినిమాకి అవకాశమిచ్చేలా చేసింది. ఒకే కుటుంబానికి చెందిన మూడు తరాల నటులతో ఆయన చేస్తున్న ఆ ప్రయత్నం పేరే 'మనం'.

అక్కినేని నాగేశ్వరరావు, నాగార్జున, నాగచైతన్య ప్రధాన పాత్రల్లో నటిస్తున్న ఈ సినిమా ప్రస్తుతం చిత్రీకరణ దశలో ఉంది. ఆ మధ్య ఏఎన్నార్ బర్త్ డే రోజున విడుదలైన ఫస్ట్ లుక్ పోస్టర్ కి మంచి స్పందన లభించడంతో ఈ సినిమాపై మంచి అంచనాలే ఏర్పడ్డాయి.

'మనం'లో శ్రియ, సమంత నాయికలుగా నటిస్తున్నారు. అనూప్ రూబెన్స్ స్వరకర్త. ఈ చిత్రం చాలా బాగా షేప్ అప్ అవుతోందని ఇందులో నాయికగా నటిస్తున్న సమంత కూడా విక్రమ్ పై ట్విట్టర్ సాక్షిగాప్రశంసల వర్షం కురిపిస్తోంది. ప్రారంభ దశ నుంచే పాజిటివ్ వైబ్రేషన్స్ తో నిర్మాణం జరుపుకుంటున్న ఈ సినిమాని ఫిబ్రవరిలో విడుదల చేయడానికి సన్నాహాలు చేస్తున్నారు.

విశేషమేమిటంటే. హిట్ సినిమాలుగా పేరు తెచ్చుకున్న చైతన్య, సమంతల తొలి కాంబినేషన్ సినిమా అయిన 'ఏమాయ చేసావె' (2010).. విక్రమ్ కుమార్ 'ఇష్క్' (2012) కూడా అదే నెలలోనే రిలీజ్ కావడం.