సురేష్ ప్రొడక్షన్స్ పతాకంపై ప్రముఖ నిర్మాత డి.సురేష్ బాబు నిర్మిస్తున్న సినిమా 'భీమవరం బుల్లోడు'. సునీల్ ,ఎస్తర్ నాయకానాయికలు. అనూప్ రూబెన్స్ సంగీతం అందించిన ఈ సినిమాని ఉదయ్ శంకర్ తెరకెక్కించాడు. ఈ సినిమాని ఈ నెల 14న విడుదల చేయడానికి చిత్ర యూనిట్ సన్నాహాలు చేస్తుంది.

చిత్ర నిర్మాత డి.సురేష్ బాబు మాట్లాడుతూ 'సినిమా సెన్సార్ పూర్తి అయ్యింది. రెండు, మూడు కట్స్ మినహా సినిమా బాగుందని సెన్సార్ సభ్యులు అన్నారు. ఆడియోలో లేని హీరో ఇంట్రడక్షన్ సాంగ్ సినిమాలో ఉంటుంది. సినిమాకి యు/ఎ సర్టిఫికేట్ వచ్చింది. డబుల్ మీనింగ్ డైలాగ్స్, వల్గారిటీ లేని ఫ్యామిలీ ఎంటర్ టైనర్. కవి కాళిదాసు మంచి కథను అందించాడు. ఎంటర్ టైన్మెంట్ తో పాటు యాక్షన్ కూడా ఉంటుంది. ఏ హీరో అయినా చేయగలిగే ఫార్ములా ఉన్న సినిమా ఇది. ఇటీవల రీ షూట్ చేస్తున్నామంటూ వార్తలు వచ్చాయి. కరెక్షన్స్ చేశాం కానీ రీ షూట్ చేయలేదు. సినిమా అందరికీ నచ్చుతుంది' అన్నారు.

హీరో సునీల్ మాట్లాడుతూ 'నేను ఇంతకు ముందు చేసిన సినిమాల్లో లవ్ ట్రాక్ లేదు. కానీ ఇందులో హీరోయిన్ ని చూడగానే ప్రేమలో పడిపోయి ప్రేమించి పెళ్లి చేసుకునే క్యారెక్టర్ నాది. కమెడియన్ గా నా పది సినిమాల్లోని కామెడీ ఈ ఒక సినిమాలోనే ఉంటుంది. కథలో భాగంగానే కామెడీ ఉంటుంది. అందరికీ నచ్చే సినిమా అవుతుంది' అని తెలిపారు.

దర్శకుడు ఉదయ్ శంకర్ మాట్లాడుతూ 'కథ వినగానే నచ్చి సునీల్ ఇందులో నటించడానికి ఒప్పుకున్నాడు. హీరోయిన్ బాగా చేసింది.