యూనివర్స్ మీడియా బ్యానర్ లో విక్టరీ వెంకటేష్, నయనతార జంటగా తెరకెక్కుబోతున్న సినిమా ‘రాధా’. డి.పార్వతి సమర్పణలో డి.వి.వి. దానయ్య నిర్మాతగా మారుతి ఈ సినిమాని తెరకెక్కిస్తున్నారు. జె.బి.సంగీతం అందిస్తున్నాడు. ఈ సినిమా షూటింగ్ ఈ నెల 6న ప్రారంభం కానుంది.

నిర్మాత డి.వి.వి.దానయ్య మాట్లాడుతూ ‘‘మారుతి చెప్పిన కథ వెంకటేష్ గారికి బాగా నచ్చడంతో సింగిల్ సిట్టింగ్ లోనే ఒకే చేశారు. నయనతార కూడా డేట్స్ అరెంజ్ చేశారు. ఇందులో వెంకటేష్ హోం మినిష్టర్ గా చేస్తుండగా, మధ్య తరగతి అమ్మాయిగా నయనతార నటిస్తుంది. ఈ ట్రెండ్ కి తగినట్లుండే ప్రేమకథ ఇది. ఇది వరకు వెంకటేష్, నయనతార జంట నటించిన ‘తులసి’, ‘లక్ష్మీ’ సినిమాలు ఎంత పెద్ద సక్సెస్ అయ్యిందో తెలిసిందే ఈ సినిమాతో ఈ జంటకు హ్యట్రిక్ గ్యారంటీ. ఈ సినిమా షూటింగ్ ను ఈ నెల 6న ప్రారంభిస్తాం’’ అని తెలిపారు.

ఈ చిత్రానికి సంగీతం: జె.బి. కెమెరాః రిచర్డ్ ప్రసాద్, ఎడిటింగ్ః ఉద్ధవ్, నిర్మాతః దానయ్య డి.వి.వి., కథ, మాటలు, స్ర్కీన్ ప్లే, దర్శకత్వం: మారుతి..