'அர்ஜூன் ரெட்டி', 'நோட்டா' போன்ற படங்களில் நடித்த நடிகர் விஜய் தேவரகொண்டாவின் அடுத்த படம் 'டாக்ஸிவாலா' இந்த படத்திற்கு நல்ல எதிர்பார்ப்பு இருந்து வரும் நிலையில் இந்த படம் ஆந்திரா மற்றும் தெலுங்கானா மாநிலாங்களில் வரும் 16ஆம் தேதி ரிலீஸ் செய்ய திட்டமிடப்பட்டிருந்தது.

ஆனால் இந்த படத்தின் எச்.டி. பிரிண்ட் இன்று தமிழ் ராக்கர்ஸ் இணையதளத்தில் ரிலீஸ் ஆகிவிட்டதாக செய்திகள் வெளிவந்துள்ளது. இந்த தகவல் 'டாக்ஸிவாலா' படக்குழுவினர்களை மட்டுமின்றி ஒட்டுமொத்த தெலுங்கு படவுலகையும் அதிர்ச்சியில் ஆழ்த்தியுள்ளது.

ஏற்கனவே விஜய்யின் 'சர்கார்' படத்தை ரிலீஸ் தினமே லீக் செய்த தமிழ் ராக்கர்ஸ், அதேபோல் '2.0' படத்தையும் ரிலீஸ் அன்றே வெளியிடவுள்ளதாக சவால் விடுத்துள்ளது. இந்த இணையதளத்தை விரைவில் முடக்கும் நடவடிக்கையை மேற்கொள்ளாவிட்டால் ஒட்டுமொத்த இந்திய திரைத்துறைக்கும் ஆபத்து என்றே தெரிகிறது