விஜய், ஹன்சிகா, ஸ்ருதிஹாசன், ஸ்ரீதேவி, சுதீப் மற்றும் பலர் நடிக்கும் விஜய் 58 திரைப்படத்தின் படப்பிடிப்பு தொடங்கி ஒருவாரம் கூட ஆகவில்லை. ஆனால் அதற்குள் விஜய் 59 படம் குறித்த தகவல்கள் கோலிவுட்டில் பரவி வருகிறது.

புதுமாப்பிள்ளை அட்லி இயக்கவிருக்கும் விஜய் 59 திரைப்படத்தில் விஜய் மீண்டும் போலீஸ் யூனிபார்ம் போடப்போகிறார் என செய்திகள் தெரிவிக்கின்றன. ஏற்கனவே விஜய் போக்கிரி, ஜில்லா ஆகிய படங்களில் போலீஸாக நடித்துள்ளார் என்பது குறிப்பிடத்தக்கது. இந்த படத்தில் விஜய்க்கு ஜோடியாக நயன்தாரா நடிக்கவிருக்கின்றார் என்றும், ஜி.வி.பிரகாஷ்குமார் இசையமைக்கின்றார் என்றும் கூறப்படுகிறது. ஆனால் இந்த தகவல்கள் எதையும் இயக்குனர் அட்லி அல்லது விஜய் உறுதிப்படுத்தவில்லை.

சிம்புதேவன் இயக்கத்தில் தற்போது முழுவீச்சில் கவனம் செலுத்தி வருகிறார் விஜய் . விஜய், ஹன்சிகா நடித்து வரும் 'வீரபாண்டி கோட்டையிலே' என்று தொடங்கும் பாடல் காட்சிகள் மிகவும் பிரமாண்டமாக படமாக்கப்பட்டு வருகிறது. மணிரத்னம் இயக்கிய திருடா திருடா படத்திலும் இதே வரிகளுடன் கூடிய பாடல் ஒன்று உள்ளது என்பது குறிப்பிடத்தக்கது. தொடர்ச்சியாக 45 நாட்கள் ஈசிஆர் சாலையில் அமைந்துள்ள பிரமாண்ட செட்டில் படப்பிடிப்பு நடைபெற உள்ளதாகவும், இன்னும் சில நாட்களில் படப்பிடிப்பில் ஸ்ருதிஹாசன் மற்றும் ஸ்ரீதேவி இணைய உள்ளனர் என்றும் படக்குழுவினர் கூறிவருகின்றனர்.