சூப்பர்ஹிட் கன்னட படத்தின் ரீமேக்கில் 'மாஸ்டர்' நடிகர் தான் நாயகனா?
- IndiaGlitz, [Thursday,June 03 2021]
கன்னடத்தில் சூப்பர் ஹிட்டான படம் ஒன்றின் தமிழ் ரீமேக்கில் ‘மாஸ்டர்’ படத்தில் நடித்த நடிகர் ஒருவர் நாயகனாக நடிக்க இருப்பதாக தகவல் வெளிவந்துள்ளது.
கன்னடத்தில் சூப்பர் ஹிட்டான திரைப்படம் ’பீர்பால்’. இந்தப் படம் கன்னட திரையுலகில் மிகப்பெரிய வெற்றியைப் பெற்ற நிலையில் தெலுங்கில் இந்த படம் ‘திம்மரசு’ என்ற டைட்டிலில் ரீமேக் செய்யப்பட்டது. இந்த படம் ஜனவரி மாதம் ரிலீசாக இருந்த நிலையில் கொரோனா வைரஸ் ஊரடங்கு காரணமாக ஒத்திவைக்கப்பட்டுள்ளது.
இந்த நிலையில் ’பீர்பால்’ படத்தை தமிழிலும் ரீமேக் செய்ய தற்போது முடிவு செய்யப்பட்டுள்ளது. த்ரில் கதையம்சம் கொண்ட இந்தப் படம் தமிழுக்கு ஏற்றவாறு சில மாற்றங்கள் செய்யப்பட உள்ளதாகவும் இந்த படத்தின் நாயகன் கேரக்டரில் ‘மாஸ்டர்’ படத்தில் நடித்த சாந்தனு நடிக்க இருப்பதாகவும் தகவல்கள் வெளிவந்துள்ளன. இந்த படம் குறித்த அதிகாரப்பூர்வ அறிவிப்பு விரைவில் வெளிவரும் என தெரிகிறது.
நடிகர் சாந்தனு ஏற்கனவே ’முருங்கைக்காய் சிப்ஸ்’, ‘ராவண கூட்டம்’ உள்ளிட்ட படங்களில் நடித்து வருகிறார் என்பதும் அந்த படங்களின் படப்பிடிப்பு கிட்டத்தட்ட முடிந்து விட்டது என்பதும் குறிப்பிடத்தக்கது.