கமல்ஹாசனை சந்தித்த கண்சிமிட்டல் நாயகி
- IndiaGlitz, [Friday,May 25 2018]
கடந்த சில மாதங்களுக்கு முன் வெளிவந்த 'ஒரு ஆதார் லவ்' என்ற மலையாள படத்தின் டீசரில் ஒரே ஒரு கண்சிமிட்டல் மற்றும் புருவ நடனம் மூலம் இந்தியா முழுவதும் டிரெண்டுக்கு வந்தவர் நடிகை பிரியா வாரியர். இந்த டீசரால் அவர் இந்திய இளைஞர்களின் மனதில் இடம்பிடித்த நிலையில் தற்போது மீண்டும் அவர் குறித்த ஒரு பரபரப்பான செய்தி வெளிவந்துள்ளது.
சமீபத்தில் கமல்ஹாசன் கேரளாவில் நடந்த ஒரு விருது வழங்கும் விழாவில் கலந்து கொண்டபோது அவரை சந்தித்து கைகுலுக்கியுள்ளார் ப்ரியாவாரியார். இதுகுறித்து அவர் தனது சமூக வலைத்தள பக்கத்தில் புகைப்படத்துடன் கூடிய தகவலை வெளியிட்டுள்ளார். ஒரே நிகழ்ச்சியில் உலக நாயகன் கமல்ஹாசன், மெகா ஸ்டார் மம்முட்டி மற்றும் எனது விருப்பத்திற்குரிய நாயகன் துல்கர் சல்மான் ஆகியோர்களை இந்த விழாவில் சந்தித்தது மிக்க மகிழ்ச்சி. இவர்களை நேரில் சந்திக்க வேண்டும் என்ற என்னுடைய நீண்ட நாள் கனவு ஒரே நாளில் நிறைவேறிய இந்த மகிழ்ச்சியான தருணத்தை உங்களுடன் பகிர்ந்து கொள்கிறேன்.
அதேபோல் விரைவில் மோகன்லால் அவர்களையும் சந்திப்பேன் என்ற நம்பிக்கை உள்ளது என்று ப்ரியாவாரியர் தனது சமூக வலைத்தளத்தில் தெரிவித்துள்ளார். ப்ரியாவாரியரின் இந்த பதிவுக்கு லட்சக்கணக்கில் லைக்குகள் குவிந்து வருகிறது என்பது குறிப்பிடத்தக்கது.