மணிரத்னம் இயக்கத்தில் லைகா நிறுவனத்தின் சுபாஷ்கரன் அவர்களின் பிரமாண்டமான தயாரிப்பில் உருவான ’பொன்னியின் செல்வன்’ திரைப்படம் கடந்த சில மாதங்களுக்கு முன்னர் வெளியாகி மிகப்பெரிய வெற்றி பெற்றது என்பது தெரிந்ததே.

இந்த படம் உலகம் முழுவதும் 500 கோடிக்கு மேல் வசூல் செய்து உள்ளது என்பதும் தமிழில் வெளியான திரைப்படங்களில் தமிழகத்தில் அதிக வசூல் செய்த படம் இந்த படம்தான் என்ற பெருமையை பெற்றுள்ளது என்பதும் குறிப்பிடத்தக்கது.

இந்த நிலையில் ’பொன்னியின் செல்வன்’ திரைப் படத்தின் வசூலை முறியடிக்க ‘பொன்னியின் செல்வன் 2’ படம் தான் வரும் என்று கூறப்படும் நிலையில் ‘பொன்னியின் செல்வன் 2’ வரும் ஏப்ரல் மாதம் வெளியாக உள்ளதாக அறிவிக்கப்பட்டது.

இந்த நிலையில் வசூல் வேட்டை ஆடிய ’பொன்னியின் செல்வன்’ திரைப்படம், விருதுகளையும் வேட்டையாடத் தொடங்கி உள்ளது. அதாவது 16வது ஆசிய திரைப்பட விழாவில் 6 பிரிவுகளில் ’பொன்னியின் செல்வன்’ திரைப்படம் தகுதி பெற்றுள்ளது.

சிறந்த படம், சிறந்த இசையமைப்பாளர், சிறந்த படத்தொகுப்பாளர், சிறந்த கலை இயக்குனர், சிறந்த ஒளிப்பதிவாளர் மற்றும் சிறந்த காஸ்ட்யூம் டிசைனர் என்ற ஆறு பிரிவுகளில் இந்த படம் நாமினேஷன் செய்யப்பட்டுள்ள நிலையில் இவற்றில் எத்தனை விருதுகளை இந்த படம் பெறப்போகிறது என்பதை பொறுத்திருந்து பார்ப்போம்.

A milestone achievement! Six nominations at the 16th Asian Film Awards!

Best Film - Ponniyin Selvan: Part 1
Best Original Music @arrahman
Best Editing @sreekar_prasad
Best Production Design #ThotaTharrani
Best Cinematography @dop_ravivarman
Best Costume Design @ekalakhani pic.twitter.com/tQU8EvdCFo

— Lyca Productions (@LycaProductions) January 7, 2023