நாளை முதல் ஓவியாவின் அடல்ட் பட டிரைலர்
- IndiaGlitz, [Thursday,February 07 2019]
பிக்பாஸ் புகழ் ஓவியா நடித்து வரும் படங்களில் ஒன்றான 90ml திரைப்படத்தின் படப்பிடிப்பு முடிவடைந்து தற்போது போஸ்ட் புரடொக்சன்ஸ் பணிகள் விறுவிறுப்பாக நடைபெற்று வரும் நிலையில் இந்த படத்தின் டிரைலர் நாளை முதல் ரிலீஸ் ஆகவுள்ளதாக படக்குழுவினர் அறிவித்துள்ளனர்,. இதனை ஓவியாவும் தனது சமூக வலைத்தளத்தில் உறுதி செய்துள்ளார்.
ஏற்கனவே இந்த படத்தில் இரட்டை அர்த்த வசனங்கள் இருப்பதாக இந்த படத்தின் இயக்குனர் அனிதா உதுப் கூறியிருந்த நிலையில் தற்போது இந்த படத்திற்கு சென்சாரில் 'ஏ' சான்றிதழ் கிடைத்துள்ளது. எனவே டிரைலர் அறிவிப்பு போஸ்டரில் 'அடல்ட் டிரைலர் நாளை முதல் என்ற அறிவிப்பும் உள்ளது.
ஓவியா முக்கிய வேடத்தில் நடித்திருக்கும் இந்த படத்திற்கு சிம்பு இசையமைத்துள்ளார். மேலும் ஓவியாவை அவர் ஒரு பாடலையும் பாட வைத்துள்ளார் என்பது குறிப்பிடத்தக்கது. இந்த படத்தின் சிங்கிள் பாடல் ஏற்கனவே ரிலீஸாகிவிட்ட நிலையில் விரைவில் இந்த படத்தின் இசைவெளியீட்டு விழா தேதியும் அறிவிக்கப்படவுள்ளது.