அட்லாண்டிக் பெருங்கடல் பகுதிகளில் உள்ள Falkland Island தீவில் பெரிய சுனாமிகள் வருவதற்கான வாய்ப்புகள் இருப்பதாக ஆராய்ச்சியாளர்கள் எச்சரித்துள்ளனர். இந்த வகையான சுனாமி ஒரு மில்லியன் ஆண்டுக்கு ஒரு முறைதான் ஏற்படும் என்றும் குறிப்பிடப் பட்டு இருக்கிறது. 

Falkland Island பகுதியில் கடும் நிலச்சரிவு ஏற்பட்டு வருவதாக ஆராய்ச்சியாளர்கள் தொடர்ந்து ஆய்வில் ஈடுபட்டு வந்தனர். இந்த நிலச்சரிவின் காரணமாக எதிர்காலத்தில் சுமார் 300 அடிகளுக்கு மேல் அலைகள் ஏற்படும் எனவும் எச்சரிக்கை செய்யப் பட்டு இருக்கிறது. மேலும், இதற்காக யாரும் பயப்பட வேண்டாம் எனவும் கேட்டுக் கொள்ளப் பட்டுள்ளது. 

Heriot watt University, British Geological துறை இணைந்து Falkland Island பகுதியில் நிலச்சரிவுக்கான அளவை மதிப்பிடும் வேலைகளில் ஈடுபட்டு வந்தது. இந்தப் பகுதிகளில் 50 மில்லியன் கன மீட்டர் நீர் தொடர்ந்து நகர்ந்து செல்லும் வலுவான நீரோட்டங்கள் காணப்படுகின்றன. இந்த வலுவான நீரோட்டங்களினால் 400 முதல் 1000 மீட்டர் வரை நீருக்கடியில் வண்டல் மண் புரட்டிப் போடப்படுகிறது. வண்டல் மண் புரட்டிப் போடப்படுவதால் அப்பகுதிகளில் சறுக்கல் குழிகள் தோன்றுகிறது. ஒரு இடத்தில் சறுக்கலும் மற்றோர் இடத்தில் மண் குவிப்பும் தொடர்ந்து நிகழ்ந்து கொண்டு வருகிறது. கடற்பரப்பும் அப்பகுதியில் செங்குத்தாக இருப்பதால் குவிக்கப் படுகின்ற வண்டல் மண் எப்போது வேண்டுமானாலும் சரிந்து விழும் அபாயம் இருந்து வருகிறது.

தற்போது இப்பகுதியில் 100 கி.மீ. இடைவெளிகளில் பெரிய 3 வண்டல் மண் முகடுகள் இடிந்து விழுந்து இருக்கின்றன. இந்தப் பாதிப்பு ஒரு நகரத்தை புதைக்கப் போதுமான சக்தி வாய்ந்தது என்று ஆய்வுகுழு தெரிவித்து இருக்கிறது. இந்த வண்டல் மண் குவியல்கள் அனைத்தும் எதிர்காலத்தில் பாதிப்பை ஏற்படும் என்றும் உறுதியாக சொல்ல முடியாது எனவும் ஆய்வுக்குழு தெரிவித்து இருக்கிறது. 

ஆய்வுக்குழுவில் உள்ள பேராசியர் ஹெரியட் வாட் “முதலில் கடல் வண்டல் மண்ணில் உள்ள நில அடர்த்தியில் காணப்படும் வேறுபாடுகளைக் கண்டுபிடிக்க நில அதிர்வுகளின் தரவுகளை சேகரிக்க முயற்சி செய்தோம். அதன் முடிவுகள் அதிர்ச்சி ஏற்படுத்துபவையாக இருக்கின்றன எனத் தெரிவித்து இருக்கிறார். 

2004 இல் இந்தியப் பெருங்கடலில் கடுமையான சுனாமி பாதிப்பு ஏற்பட்டது. அடுத்து ஜப்பானில் 2011 இல் சுனாமி பாதிப்பு ஏற்பட்டது. இவை இரண்டும்  நேரடியான சுனாமி பாதிப்புகளாக இருந்தன. அப்படி இல்லாமல், அட்லாண்டிக் பகுதியில் நிலச்சரிவினால் சுனாமி வருவதற்கான வாய்ப்பு இருப்பதாகத் தெரிவிக்கப் பட்டு இருக்கிறது. 

1998 இல் பப்புவா நியூ கினியா மற்றும், 2018 இல் இந்தோனேசியா வின் சுலவேசி பகுதிகளில் சுனாமி ஏற்பட்டு கடும் பாதிப்பை ஏற்படுத்தியது. அட்லாண்டிக் பகுதிகளில் வரவிருக்கும் சுனாமியால் Falkland Island பகுதிகளில் கடும் பாதிப்புகள் ஏற்பட வாய்ப்பு இருக்கிறது. அங்குள்ள கடலோர பகுதிகளை இந்த சுனாமி குறி வைக்கும். வண்டல் மண் சரிந்து விழும் போது கடலில் அழுத்தம் ஏற்பட்டு 300 மீட்டர் உயரங்களுக்கு அலைகள் வருவதற்கும் வாய்ப்பு இருக்கிறது என எச்சரிக்கை செய்துள்ளனர்.