టాలీవుడ్ సూపర్‌స్టార్ మహేశ్ బాబు అందం.. బాడీ ఫిట్‌‌నెస్ గురించి కొత్తగా చెప్పనక్కర్లేదు. ఆయనకు నాలుగు పదుల వయస్సు వచ్చినా ఇంకా ఇరవై ఏళ్ల కుర్రాడిలా కనిపిస్తుంటారు. అంటే ఏ రేంజ్‌‌లో ఆయన బాడీ మెయింటేన్ చేస్తారో అర్థం చేసుకోవచ్చు. అందుకే మహేశ్ అంటే యూత్ అంతలా పడిచచ్చేలా ప్రేమిస్తుంటారు. బహుశా మహేశ్ అందానికి, ఫిట్‌‌నెస్‌‌కు ఫిదా అయిపోయి లేడీ ఫ్యాన్స్‌‌ ఆరేంజ్‌‌లో ఆయన్ను ఫాలో అవుతుంటారేమో..!

ఇక విషయానికొస్తే..

మినాష్ గాబ్రియల్ అనే పర్సనల్ జిమ్ ట్రైనర్‌‌ గురించి చాలా మందికి తెలిసుండకపోవచ్చు. పెద్ద పెద్ద అథ్లెట్స్ మొదలుకుని స్టారో హీరోల వరకు ఈయన దగ్గరికే ఫిట్‌నెస్ కోసం వస్తుంటారు. ఆయన ఇన్‌స్టాగ్రామ్‌ ఒక్కసారి ఓపెన్ చేసి చూస్తే రేంజ్‌‌ ఏంటో తెలుసుకోవచ్చు. తాజాగా టాలీవుడ్‌‌ సూపర్‌స్టార్‌కు కూడా మినాషే.. ట్రైనింగ్ ఇచ్చాడు. ఈ ట్రైన్ పూర్తయిన తర్వాత తన ఇన్‌స్టాగ్రామ్‌‌లో ఓ ఆసక్తికర పోస్ట్ చేశాడు.

"మహేశ్‌‌కు శిక్షణ ఇవ్వడం గొప్ప అనుభూతి, ప్రయాణం.. అనుభవం. ఆయన్ను ఒక అథ్లెట్‌‌గా చెప్పుకోవచ్చు. ఆయనకు శిక్షణ ఇచ్చినన్ని రోజులు చాలా ఎంజాయ్‌ చేశాను. మహేశ్ ప్రతి కదలికను గమనించాను.. విజయాన్ని సాధించిన ఆ రకమైన విశ్రాంతి అతని నుంచి వేరు వేరుగా ఉంటుంది" అని మినాష్ చెప్పుకొచ్చాడు. ఒక్క మాటలో చెప్పాలంటే నిజంగా మహేశ్ చాలా గ్రేట్ అన్నట్లుగా మినాష్ పొగడ్తలతో ముంచెత్తాడు.

కాగా.. మినాష్ ఇన్‌స్టాగ్రామ్‌ పోస్ట్‌కు ఫిదా అయిపోయిన మహేశ్ బాబు రీ-పోస్ట్ చేశారు. ఈ పోస్ట్ చూసిన సూపర్‌స్టార్ అభిమానులు, ఇన్‌స్టాగ్రామ్‌ ఫాలోవర్స్.. సూపర్బ్ సూపర్‌స్టార్ అంటూ ఓ రేంజ్‌‌లో కామెంట్ల వర్షం కురిపిస్తున్నారు.