சிவகங்கை மாவட்டம் காரைக்குடி பகுதியில் சாலையில் ஏற்பட்டுள்ள குழியை சீரமைக்க கோரி இந்திய யூனியன் முஸலீம் லீக் கட்சி ஒரு புதிய முயற்சியை எடுத்து இருக்கிறது. சாலையில் ஏற்பட்டுள்ள பெரிய பள்ளத்தைச் சரி செய்ய வேண்டும் என்று நகராட்சி நிர்வாகத்தை பல முறை அணுகிய இந்த அமைப்பு, தற்போது அந்தப் பள்ளத்தின் மேல் ஒரு விளம்பரப் பலகையை வைத்து இருக்கிறது.

அதில் “காரைக்குடி நகராட்சியின் அலட்சியப் போக்கால் பெரிய கொரோனா பள்ளம் உள்ளது, எனவே ஓட்டுநர்கள், பொது மக்கள் கவனமாகச் செல்ல வேண்டும் என கேட்டுக் கொள்ளப் படுகிறது“ எனவும் அச்சிட்டப் பட்டுள்ளது. தற்போது இந்தப் பலகை அனைவரது கவனத்தையும் ஈர்த்து வருகிறது.

சிவகங்கை, காரைக்குடி பகுதியல் உள்ள நூறடி சாலையில் 5 சாலைப் வழிகளை இணைக்கும் இடத்தில் இந்த பள்ளம் இருக்கிறது என்பதும் குறிப்பிடத் தக்கது. எனவே, இந்தப் பள்ளத்தை உடனடியாக சரிசெய்ய வேண்டும் என்று பொது மக்கள் கோரிக்கை வைத்தனர்.

நடவடிக்கை எடுக்கப் படாததால் பழைய உடைந்து போன பொருட்களைக் கொண்டு பொது மக்கள் அந்தக் குழியை மூடவும் செய்தனர். இந்நிலையில் இந்திய யூனியன் முஸ்லீம் லீக் கட்சியினர் அந்தப் பள்ளத்தின்மேல் விளம்பர பலகையை வைத்துள்ளனர் இதைப் பார்த்த பொதுமக்கள் சாலையைச் சீரமைக்க தவறிய நகராட்சி நிர்வாகத்தின் கவனத்தை இப்படியும் ஈர்க்க முடியும் என்று கருத்து தெரிவித்து வருகின்றனர்.