விஜய் சைக்கிளில் வாக்களிக்க வந்தது ஏன்? குஷ்பு கூறிய விளக்கம்!
- IndiaGlitz, [Tuesday,April 06 2021]
இன்று காலை 7 மணி முதல் தமிழகத்தில் வாக்குப்பதிவு நடைபெற்று வரும் நிலையில் இன்னும் ஒரு சில நிமிடங்களில் வாக்குப்பதிவு நிறைவடையும் என்பது குறிப்பிடத்தக்கது
இந்த நிலையில் இன்று காலை நீலாங்கரை வாக்குச்சாவடியில் நடிகர் விஜய் சைக்கிளில் வந்து வாக்களித்தார். அவர் சைக்கிளில் வந்தது ஏன் என்பது குறித்து சமூக வலைதளங்களில் பல்வேறு விவாதங்கள் நடைபெற்று வந்தன என்பதும் இதற்கு முற்றுப்புள்ளி வைக்கும் வகையில் அவரது தரப்பினர் விஜய் சைக்கிளில் வந்து வாக்களித்தது ஏன் என்பது குறித்த விளக்கத்தை அளித்தார் என்பதும் தெரிந்ததே
விஜய்யின் வீடு அருகில்தான் பூத் இருந்தது என்பதாலும் அந்த பூத் உள்ள தெருவில் கார் செல்ல முடியாது என்பதும் அவர் சைக்கிளில் சென்றதாக விஜய் தரப்பிலிருந்து விளக்கமளிக்கப்பட்டது. இருப்பினும் விஜய் சைக்கிள் வந்தது வந்தது குறித்து பல்வேறு கட்சி தலைவர்களும் நெட்டிசன்கள் கூறி வருகின்றனர்
இந்த நிலையில் சென்னை ஆயிரம் விளக்கு தொகுதியில் பாஜக சார்பில் போட்டியிடும் நடிகை குஷ்பு இதுகுறித்து கூறுகையில் ’விஜய் நேரத்தை வீணாக்க கூடாது என்பதற்காகவே சைக்கிளில் சென்றிருப்பார், விஜய் சைக்கிளில் சென்றதை அரசியலாக்க வேண்டாம் என்று கூறியுள்ளார்