ಅಭಿನಂದನ್ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಎಸ್.ಎನ್.ಎಸ್ ಶ್ರೀನಿವಾಸ ಅವರು ನಿರ್ಮಿಸುತ್ತಿರುವ‘ಜಗ್ಗಿ’ ಚಿತ್ರಕ್ಕಾಗಿ ಗೌಸ್ಫ಼ಿರ್ ಬರೆದಿರುವ ‘ಹುಚ್ಚು ಹೆಚ್ಚಾಯ್ತು ನಿನ್ನ ಮೇಲೆ ಕಿಚ್ಚು ಹೆಚ್ಚಾಯ್ತು ನಿನ್ನಿಂದಲ್ಲೆ’ ಎಂಬ ಹಾಡಿನ ಚಿತ್ರೀಕರಣ ಮೇಲುಕೋಟೆ ಹಾಗೂ ಜಿ.ಆರ್.ಎಸ್ ಫ಼್ಯಾಂಟಸಿ ಪಾರ್ಕ್ನಲ್ಲಿ ನಡೆದಿದೆ. ಮದನ್ ಹರಿಣಿ ನೃತ್ಯ ನಿರ್ದೇಶನ ಮಾಡಿದ ಈ ಹಾಡಿಗೆ ಸುನೀಲ್ರಾಜ್ ಹಾಗೂ ಅಹನಾ ಹೆಜ್ಜೆ ಹಾಕಿದರು.

ಸುಲ್ತಾನ್ರಾಜ್ ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ಸುನೀಲ್ರಾಜ್ ಅವರೇ ಕಥೆ ಬರೆದಿದ್ದಾರೆ. ಮಂಜುಭಾಸ್ಕರ್ ಅವರ ಸಹನಿರ್ಮಾಣವಿರುವ ಈ ಚಿತ್ರಕ್ಕೆ ರಮೇಶ್ಕೊಯಿರ ಛಾಯಾಗ್ರಹಣ, ಎಲ್ವಿನ್ ಜೋಶ್ವ ಸಂಗೀತ ನಿರ್ದೆಶನ, ಈಶ್ವರ್ ಸಂಕಲನ, ಮದನ್ ಹರಿಣಿ, ಹರಿಕೃಷ್ಣ ನೃತ್ಯ ನಿರ್ದೇಶನ ಹಾಗೂ ಕೌಅರವ ವೆಂಕಟೇಶ್, ಹ್ಯಾರಿಸ್ ಜಾನಿ ಸಾಹಸ ನಿರ್ದೇಶನವಿದೆ. ಸುನೀಲ್ರಾಜ್,ಅಹನಾ, ರಮೇಶ್ಭಟ್, ಶರತ್ಲೋಹಿತಾಶ್ವ, ಮುನಿ, ಬುಲೆಟ್ಪ್ರಕಾಶ್, ಪೆಟ್ರೋಲ್ ಪ್ರಸನ್ನ, ಮೋಹನ್ ಜುನೇಜ, ವಿಶ್ವ,ಕೆಂಪೇಗೌಡ, ಪ್ರಕಾಶ್, ಎಂ.ಎನ್.ಲಕ್ಷ್ಮೀದೇವಮ್ಮ, ಸಂಗೀತ, ರೋಷಿಣಿ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ.