தமிழக அமைச்சர்களில் செல்லூர் ராஜூ அளவுக்கு சமூக வலைத்தளங்களில் யாரும் கலாய்க்கப்பட்டிருக்க மாட்டார் என்பது தமிழக மக்கள் அறிந்ததே. அவரது தெர்மோகோல் முயற்சி முதல் மதுசூதனை முன்னாள் முதல்வர் என்று கூறியது வரை பல சொதப்பல்களை உதாரணமாக கூறலாம்.

இந்த நிலையில் தனியார் தொலைக்காட்சி ஒன்றுக்கு பேட்டியளித்த அமைச்சர் செல்லூர் ராஜூ கமல்ஹாசனை கலாய்த்துள்ளார். கமல்ஹாசன் முதல்வராக வேண்டும் என்றால் அது ஷங்கர் படத்தில் மட்டும்தான் முடியும் என்று கூறியுள்ளார்.

ஷங்கர் இயக்கிய 'முதல்வன்' படத்தில் அர்ஜூன் ஒருநாள் முதல்வராக நடித்திருப்பார். அதேபோல் ஷங்கரின் படத்தில் கமல் நடித்தால் அதில் அவர் முதல்வராக நடிக்கலாம் என்ற அர்த்தத்தில் அமைச்சர் செல்லூர் ராஜூ கூறியுள்ளார். அமைச்சர் கூறியபடி சினிமாவில் மட்டும்தான் கமல் முதல்வர் ஆவாரா? அல்லது வரும் 2019ஆம் தேர்தலில் வெற்றி பெற்று நிஜ முதல்வராக கமல் மாறுவாரா? என்பதை பொறுத்திருந்து பார்ப்போம்