உலக நாயகன் கமல்ஹாசன் வரும் நவம்பர் 7ஆம் தேதி அதாவது அவருடைய பிறந்த நாள் அன்று முக்கிய அறிவிப்பை வெளியிடவுள்ளதாக வெளிவந்த செய்தியை காலையில் பார்த்தோம். அவர் அந்த நாளில் அரசியல் கட்சி தொடங்குவது குறித்த முக்கிய அறிவிப்பை வெளியிடுவார் என்றே அனைவரும் எதிர்பார்த்தனர்.

ஆனால் தற்போது வெளிவந்துள்ள புதிய தகவலின்படி நவம்பர் 7 அன்று அவர் ஒரு புதிய செயலியை தொடங்கவுள்ளதாகவும், அந்த செயலி மூலம் தனது நற்பணி இயக்கத்தினர்களும், பொதுமக்களும் இணைக்கப்படுவார்கள் என்றும் கூறப்படுகிறது.

இந்த செயலி மூலம் மக்களுடன் தங்கள் நற்பணி இயக்கத்தினர் நெருக்கமாக வாய்ப்பு உள்ளதாகவும், அரசியலுக்கு வருமுன் தங்களுடைய கொள்கைகள், கருத்துக்கள் மக்களிடம் முதலில் போய் சேர வேண்டும் என்பதற்காகவே இந்த செயலி தொடங்கப்படுவதாக கூறப்படுகிறது. படிப்படியான களப்பணிகளுக்கு பின்னர் அரசியல் கட்சி தொடங்க கமல் திட்டமிட்டிருப்பதாக அவருடைய வட்டாரங்கள் கூறுகின்றன.