பிக்பாஸ் நிகழ்ச்சி மூலம் புகழின் உச்சிக்கு சென்ற நடிகை ஓவியா தற்போது ராகவா லாரன்ஸ் இயக்கி நடிக்கும் 'காஞ்சனா 3', மற்றும் 'களவாணி 2' ஆகிய படங்களில் நடித்து வருகிறார். இந்த நிலையில் பெண் இயக்குனர் அனிதா உதீப் இயக்கும் '90ml'  என்ற படத்தில் ஓவியா நடிக்க ஒப்பந்தமாகியுள்ளார்.

சிம்பு இசையில் உருவாகவுள்ள இந்த படத்தின் ஃபர்ஸ்ட்லுக் போஸ்டர் சமீபத்தில் வெளியானது. இந்த நிலையில் இந்த படத்தில் ஓவியா ஒரு லெஸ்பியன் கேரக்டரில் நடிக்கவுள்ளதாக கூறப்படுகிறது. ஓவியா எதை செய்தாலும் ஆதரித்து வரும் ஓவியா ஆர்மி என்ற நெட்டிசன்கள் இதற்கு ஆதரவு கொடுத்துள்ளனர்.

நடிகை என்றால் எல்லாவிதமான கேரக்டர்களிலும் நடிப்பதில் தவறில்லை, அதுபோல் ஓவியா லெஸ்பியனாக நடிப்பது என்ன தவறு? என்றும் இதற்கு முன்னர் நித்யாமேனன் கூட ஒரு படத்தில் லெஸ்பியனாக நடித்துள்ளதாகவும் கூறி வருகின்றனர்,. ஓவியா ஆர்மியினர் லெஸ்பியன் கேரக்டருக்கு ஆதரவு கொடுத்தாலும் மாதர் சங்கங்கள் சும்மா விடுவார்களா? என்பதை பொறுத்திருந்து பார்ப்போம்