விஜய் சேதுபதி, திரிஷா நடிப்பில் பிரேம்குமார் இயக்கத்தில் கடந்த 2018ஆம் ஆண்டு வெளிவந்த ’96’ திரைப்படம் தமிழில் மிகப் பெரிய வெற்றியைப் பெற்றதை அடுத்து இந்தப் படம் தெலுங்கில் ரீமேக் செய்யப்பட்டு, வரும் 7 ஆம் தேதி வெளியாக உள்ளது என்பது குறிப்பிடத்தக்கது.

இந்த படத்தின் புரமோஷன் பணிகள் ஜெட் வேகத்தில் நடைபெற்று வரும் நிலையில் சமீபத்தில் இந்த படத்தின் விழா ஒன்று ஐதராபாத்தில் நடைபெற்றது. இந்த விழாவில் கலந்து கொண்ட நடிகை சமந்தா பேசியபோது ’இந்த படத்தின் தயாரிப்பாளர் தில் ராஜூ அவர்கள் இந்த படத்தில் திரிஷா கேரக்டரில் நடிக்க வேண்டும் என்று என்னிடம் கூறியபோது இந்த படத்தில் நடிக்க முதலில் நான் மறுத்தேன். ஆனால் அவர் இரண்டாவது முறையாக என்னிடம் வந்து என்னை சமாதானம் செய்து இந்த படத்தில் நடிக்க வைத்தார். இப்போது தான் தெரிகிறது இந்த படத்தில் நான் நடிக்க எடுத்த முடிவு மிக சரியான முடிவு என்று.

இந்த படம் குறித்து நான் அதிகம் பேச விரும்பவில்லை. ஏனெனில் இந்த படம் வெளியானவுடன் என்னுடைய கேரக்டர் மிக அதிகமாக பேசப்படும் என்று எதிர்பார்க்கிறேன். மேலும் என்னுடைய ’ராம்’ ஆக நடித்த சர்வானந்த் மிகவும் மிகுந்த ஒத்துழைப்பு கொடுத்தார் அவருடன் நடித்தது மிகுந்த மகிழ்ச்சி’ என்று சமந்தா கூறியுள்ளார்.