நான் இதை எதிர்பார்க்கவே இல்லை: ரஜினி குறித்து அனுஷ்கா
- IndiaGlitz, [Friday,February 02 2018]
நடிகை அனுஷ்கா நடிப்பில் சமீபத்தில் வெளியான 'பாகமதி' திரைப்படம் தமிழ், தெலுங்கு என இரண்டு மொழிகளிலும் வெற்றி பெற்று வசூலை குவித்து வருகிறது. இந்த படத்தின் குழுவினர்களுக்கு குறிப்பாக நாயகி அனுஷ்காவுக்கு பத்திரிகைகள் மட்டுமின்றி திரையுலகினர்களும் தங்களது பாராட்டுக்களை தெரிவித்து வருகின்றனர்.
இந்த நிலையில் சமீபத்தில் இந்த படத்தை பார்த்த சூப்பர் ஸ்டார் ரஜினிகாந்த், அனுஷ்காவுக்கு போன் செய்து தனது பாராட்டுக்களையும் வாழ்த்துக்களையும் தெரிவித்துள்ளார்.
இதுகுறித்து தொலைக்காட்சி பேட்டி ஒன்றில் கூறிய அனுஷ்கா, 'சூப்பர் ஸ்டாரிடம் இருந்து இப்படி ஒரு பாராட்டு வரும் என்று நான் எதிர்பார்க்கவே இல்லை. நான் மகிழ்ச்சியின் உச்சத்தில் உள்ளேன். இதுவரை நான் பெற்ற பாராட்டுக்களிலேயே மிகச்சிறந்தது இதுதான்' என்று கூறினார். ஏற்கனவே சூப்பர் ஸ்டார் ரஜினியுடன் 'லிங்கா' படத்தில் அனுஷ்கா நடித்துள்ளார் என்பது குறிப்பிடத்தக்கது.