ಪ್ರೇಮ, ಪ್ರೀತಿ ಎಲ್ಲ ಪುಸ್ತಕದ ಬದ್ನೇಕಾಯಿ ಎಂದು ಹೇಳಿದ್ದು ಆಯಿತು. ಪ್ರೀತಿ... ಯಿ ಲವ್ ಅನ್ನೋದು ಪರೀಕ್ಷೆ, ಸತ್ವ ಪರೀಕ್ಷೆ, ಅಗ್ನಿ ಪರೀಕ್ಷೆ ಹೀಗೆ ಅನೇಕ ಉದ್ಗಾರಗಳು ಪ್ರೀತಿಗೆ ವಿರುದ್ದವಾಗಿ ಬಂದರು ಅದು ಶಾಶ್ವತ. ಅದಕ್ಕೆ ಹೇಳ್ತಾರೆ ‘ಲವ್ವೆಲ್ಲ ಸುಳ್ಳಲ್ಲ’. ಒಂದು ಹೂವು ತಾನಗೆ ತಾನೇ ಅರಳುವುದು ಹಾಗೆ ಪ್ರೀತಿ ಸಹ. ಅದನ್ನು ಹಬ್ಬಿಕೊಳ್ಳುವ, ಆರಾದಿಸುವ ಜೀರ್ಣ ಮಾಡಿಕೊಳ್ಳುವ ಶಕ್ತಿ ಪಡೆದು ಕೊಂಡರೆ ‘ಲವ್ವೆಲ್ಲ ಸುಳ್ಳಲ್ಲ’.

ಅಮೃತ ಚಿತ್ರ ಲಾಂಛನದಲ್ಲಿ ಸಂಜಯ್ ಸೌಭಾಗ್ಯ, ಗೋಪಾಲಕೃಷ್ಣ ನಿರ್ಮಿಸುತ್ತಿರುವ ಲವ್ವೆಲ್ಲಾ ಸುಳ್ಳಲ್ಲ ಚಿತ್ರಕ್ಕೆ ಚಿಕ್ಕಬಳ್ಳಾಪುರ ನಂದಿಬೆಟ್ಟ ಕೊಲಾರ ಸುತ್ತಮುತ್ತ ಉಳಿದ ಭಾಗದ ಚಿತ್ರೀಕರಣ ಪೂರ್ಣಗೊಳಿಸಿದ್ದು ಚಿತ್ರೀಕರಣೇತರ ಚಟುವಟಿಕೆಗಳೆಲ್ಲ ಆರಂಭವಾಗಿದೆ. ಐದು ಹಾಡುಗಳಿರುವ ಈ ಚಿತ್ರದ ಧ್ವನಿಸುರಳಿಯನ್ನು ಮುಂದಿನ ತಿಂಗಳು ಬಿಡುಗಡೆ ಮಾಡಲಾಗುವುದು.

ರಾಜೀವ್ ಕೃಷ್ಣ ಕಥೆ, ಚಿತ್ರಕಥೆ, ಸಂಭಷಣೆ ಬರೆದು ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ಪ್ರಮೋದ್ ಛಾಯಾಗ್ರಹಣ, ಡ್ಯಾನಿಲ್, ಎಲ್.ಎನ್.ಗೂಚಿ ಸಂಗೀತ, ಹೇಮಂತರಾಜ್, ರಾಜೀವ್ಕೃಷ್ಣ ಸಾಹಿತ್ಯ, ಚಿಂತಾಮಣಿ ಪ್ರಸಾದ್ ನೃತ್ಯ, ಕೊಲ್ಲೂರು ಬಾಲು ಸಾಹಸ, ರೆಡ್ಡಿ ಸಂಕಲನ ವಿದೆ. ಮಿಲನ್, ಪೂರ್ಣಿಮ, ಶ್ರೀಪ್ರಿಯ, ಶ್ರೀಧರ್, ಬ್ಯಾಂಕ್ ಜನಾರ್ಧನ್, ಹೊನ್ನವಳ್ಳಿ ಕೃಷ್ಣ, ಕಿಲ್ಲರ್ವೆಂಕಟೇಶ್, ಶಶಿಕಲಾ, ಸುಧಾ, ಗೊಪಾಲಕೃಷ್ಣ ಮೈಲಾಪುರ, ಪಿಂಟು, ಜೀವ, ನಾಗರೆಡ್ಡಿ, ದೊಡ್ಡಗುರ್ಕಿ ಕೃಷ್ಣ ತಾರ ಬಳಗದಲ್ಲಿದ್ದಾರೆ.