எனக்கா ரெட் கார்டு, எடுத்து பாரு என் ரெக்கார்டு? சிம்பு
- IndiaGlitz, [Friday,November 23 2018]
சிம்பு நடிப்பில் சுந்தர் சி இயக்கத்தில் உருவாகி வரும் 'வந்தா ராஜாவாதான் வருவேன்' திரைப்படம் வரும் பொங்கல் தினத்தில் வெளியாகும் என்று எதிர்பார்க்கப்படுகிறது. இந்த நிலையில் இந்த படத்தின் சிங்கிள் பாடல் விரைவில் வெளியாகவுள்ளது.
இந்த சிங்கிள் பாடலின் தொடக்க வரி, 'எனக்கா ரெட் கார்டு எடுத்து பாரு என் ரெக்கார்டு' என்று ஆரம்பிக்கும் வகையில் உள்ளது. இந்த தகவலை சமூக வலைத்தளத்தில் தெரிவித்த சிம்பு இந்த பாடலை தான் எழுதவில்லை என்று கூறியதோடு இந்த பாடலுக்கு ஹிப் ஹாப் தமிழா ஆதி சூப்பராக இசையமைத்துள்ளதாக தெரிவித்துள்ளார். மேலும் 'வந்தா ராஜாவாத்தான் வருவேன்' திரைப்படம் ரசிகர்களுக்கு செம விருந்தாக இருக்கும் என்றும் அவர் தெரிவித்துள்ளார்.
சிம்புவின் 'வந்தா ராஜாவாதான் வருவேன்' படத்திற்கு ரெட் கார்டு விதிக்க வாய்ப்பு இருப்பதாக திரையுலக வட்டாரங்கள் கூறி வரும் நிலையில் இப்படி ஒரு சிங்கிள் பாடல் வெளிவருவது பெரும் பரபரப்பை ஏற்படுத்தியுள்ளது.