சூர்யா நடிப்பில் செல்வராகவன் இயக்கத்தில் உருவாகி வரும் 'என்.ஜி.கே' படத்தின் படப்பிடிப்பு கிட்டத்தட்ட முடிந்துவிட்ட நிலையில் இந்த படத்தில் லேட்டஸ்ட்டாக தற்போது தனுஷ் இணைந்துள்ள செய்தி வெளிவந்துள்ளது.

செல்வராகவன் இயக்கிய பல படங்களில் தனுஷ் நடித்துள்ளது மட்டுமின்றி பாடல்களும் பாடியுள்ளார் என்பது தெரிந்ததே. அந்த வகையில் 'என்.ஜி.கே' படத்திலும் தனுஷ் ஒரு பாடலை பாடுகிறார். சூர்யாவுக்காக தனுஷ் பாடுவது இதுவே முதல்முறை

யுவன்ஷங்கர் ராஜா இசையில் தனுஷ் பாடும் இந்த பாடல் குத்துப்பாடலாக இருக்கும் என்றே கூறப்படுகிறது. தனுஷ் பாடிய பல பாடல்கள் ஏற்கனவே சூப்பர் ஹிட் ஆகியுள்ள நிலையில் இந்த பாடலும் அதேபோல் ஹிட்டாகுமா? என்பதை பொறுத்திருந்து பார்போம்

சூர்யா, ரகுல் ப்ரித்திசிங், சாய்பல்லவி நடிப்பில் உருவாகி வரும் இந்த படத்தை ட்ரீம் வாரியர் பிக்சர்ஸ் நிறுவனம் தயாரித்து வருகிறது. இந்த படம் வரும் தீபாவளி தினத்தில் திரைக்கு வரவுள்ளது என்பது குறிப்பிடத்தக்கது.