இந்தியாவில் கொரோனா பரவல் கடும் அச்சத்தை ஏற்படுத்தி வருகிறது. தற்போது இந்தோனிஷியாவைச் சேர்ந்த பயணிகள் 7 பேருக்கு தெலுங்கானாவில் வைத்து பரிசோதிக்கப் பட்ட நிலையில் அவர்களுக்குக் கொரோனா இருப்பது உறுதி செய்யப் பட்டு இருக்கிறது. மேலும், ராஜஸ்தானில் 3 பேருக்கு கொரோனா இருப்பதும் புதிதாகக் கண்டறியப் பட்டு இருக்கிறது. இதனால் இந்தியாவில் கொரோனா வைரஸ் பாதிக்கப் பட்டவர்கள் எண்ணிக்கை 169 ஆக உயர்ந்து இருக்கிறது.

இந்நிலையில் கொரோனாவை எதிர்கொள்ள தகுந்த நடவடிக்கைகளை உடனடியாக எடுக்க வேண்டும். இல்லாவிட்டால் இந்தியா மிக, மோசமான விலையை கொடுக்க நேரிடும் என காங்கிரஸின் முன்னாள் தலைவர் மற்றும் எம்.பி. ராகுல் காந்தி தெரிவித்துள்ளார்.

இது குறித்து தனது டிவிட்டர் பதிவில் “விரைவான தீர்க்கமான நடவடிக்கைகளே கொரோனாவை எதிர்கொள்வதற்கான சரியான பதிலாக இருக்கும்” என பதிவிட்டு உள்ளார்.

Quick aggressive action is the answer to tackling the #Coronavirus . India is going to pay an extremely heavy price for our governments inability to act decisively.

— Rahul Gandhi (@RahulGandhi) March 18, 2020