நெதர்லாந்து நாட்டில் மெட்ரோ ரயில் ஒன்று கட்டுப்பாட்டை இழந்து அந்தரத்தில் தொங்கிக் கொண்டிருக்கிறது. இந்த ரயிலை திமலங்கம் போன்று அமைக்கப்பட்டுள்ள சிற்பத்தின் வால் பகுதி தாங்கிப் பிடித்துக் கொண்டிருக்கிறது. கொஞ்சம் பிசகினாலும் கீழே இருக்கும் தண்ணீரில் இந்த ரயில் விழுந்து முழுக வேண்டியதுதான். தற்போது இந்தப் புகைப்படம் இணையத்தில் கடும் வைரலை ஏற்படுத்தி இருக்கிறது.

நெதர்லாந்து நாட்டில் ரோட்ரடாம் மாகாணத்தில் பிஜ்ஹென்சி எனும் நகரப்பகுதியில் மெட்ரோ ரயில் இயக்கப்பட்டு வருகிறது. இந்த மெட்ரோ ரயிலின் எல்லை டி அக்கர்ஸ் எனும் இடத்தோடு முடிவடைகிறது. மெட்ரோ ரயில் தனது சேவையை முடித்துக் கொண்டு தினமும் இந்த ரயில் நிலையத்தில்தான் நிற்கும். ஆனால் இந்த ரயில்வேயின் தண்டவாளம் ஒரு ஆற்று நிரோட்டத்தின் மேலே அமைக்கப்பட்டு இருக்கிறது என்பதும் குறிப்பிடத்தக்கது.

வழக்கமாக சேவையை முடித்துக் கொண்டு டி அக்கர்ஸ் எனும் ரயில் நிலையத்திற்கு விரைந்த மெட்ரோ ரயில் டிரைவர், ஏதோ ஒரு வேகத்தில் ரயிலை வேகமாக இயக்கி இருக்கிறார். இதனால் சரியாக லேண்ட் ஆக வேண்டிய இடத்தில் ரயில் நிற்காமல், தன்னுடைய எல்லையைத் தாண்டி தண்டவாளத்தைத் விட்டு கீழே தொங்க ஆரம்பித்தது. அப்போதுதான் தண்டவாளத்தின் எல்லை பகுதியில் அமைக்கப்பட்ட சிற்பத்தின் மீது இந்த ரயில் மோதியது.

தண்டவாளத்தின் எல்லையில் அழகுக்காக கடந்த 2002 ஆம் ஆண்டு ரயில்வே நிர்வாகம் 2 திமிங்கலத்தின் சிற்பத்தை தலைகீழாக வைத்தது. அந்தத் சிற்பத்தின் வால் பகுதி தற்போது ஒரு மெட்ரோ ரயிலை சேதமடையாமல் பாதுகாத்து கொண்டிருக்கிறது. இந்நிலையில் ரயிலை மீட்கும் பணியில் மீட்பு குழுவினர் ஈடுபட்டு வருவதாகக் கூறப்படுகிறது. விபத்தில் சிக்கிய மெட்ரோ ரயிலின் டிரைவர் சிறிய காயங்களோடு மீட்கப்பட்டு உள்ளார்.