ബേസില്‍ ജോസഫ് നായകനായി എത്തുന്ന പുതിയ ചിത്രം 'കഠിന കഠോരമീ അണ്ഡകടാഹം' ചിത്രീകരണം പൂര്‍ത്തിയായി. നവാഗതനായ മുഹാഷിന്‍ സംവിധാനം ചെയ്യുന്ന ചിത്രത്തിന്റെ നിര്‍മ്മാണം നൈസാം സലാം പ്രൊഡക്ഷന്‍സിന്റെ ബാനറില്‍ നൈസാം സലാം ആണ് നിര്‍വ്വഹിക്കുന്നത്. ഉണ്ട, പുഴു എന്നീ ചിത്രങ്ങളുടെ തിരക്കഥാകൃത്തായ ഹര്‍ഷദ് ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഇന്ദ്രന്‍സ്, ജോണി ആന്റണി, ജാഫര്‍ ഇടുക്കി, ബിനു പപ്പു, സുധീഷ്, നിര്‍മ്മല്‍ പാലാഴി, സ്വാതി ദാസ് പ്രഭു, അശ്വിന്‍, പാര്‍വതി കൃഷ്ണ, ഫറ ഷിബ്ല, ശ്രീജ രവി തുടങ്ങിയ താരങ്ങളും ചിത്രത്തിന്റെ ഭാഗമാകുന്നു.

പാല്‍ത്തൂ ജാന്‍വര്‍ എന്ന ചിത്രത്തിന് ശേഷം ബേസില്‍ ജോസഫ് നായകനായ ജയ ജയ ജയ ജയഹേ എന്ന ചിത്രം തീയേറ്ററുകളിൽ മികച്ച പ്രതികരണമാണ് നേടുന്നത്. എസ്. മുണ്ടോള്‍ ആണ് ചിത്രത്തിന്റെ ഛായാഗ്രാഹകന്‍. മുഹ്‌സിന്‍ പരാരി, ഷര്‍ഫു എന്നിവരുടെ വരികള്‍ക്ക് ഗോവിന്ദ് വസന്തയാണ് സംഗീതം നല്‍കുന്നത്. എഡിറ്റര്‍ സോബിന്‍ സോമന്‍, ആര്‍ട്ട് പ്രദീപ് എം.വി, മേക്കപ്പ് സുധി സുരേന്ദ്രന്‍, കോസ്റ്റ്യൂം അസീം അഷറഫ്, വിശാഖ് സനല്‍ കുമാര്‍, ചീഫ് അസോസിയേറ്റ് ഡയറക്ടര്‍ അനീഷ് ജോര്‍ജ്, അസോസിയേറ്റ് ഡയറക്ടര്‍ അഫ്‌നസ്.വി, പി.ആര്‍.ഒ. പി.ശിവപ്രസാദ്, സ്റ്റില്‍സ് ഷിജിന്‍ രാജ് എന്നിവരാണ് മറ്റ് അണിയറ പ്രവര്‍ത്തകര്‍.