அஜித்தின் 58வது படமான 'விசுவாசம்' திரைப்படத்தை இயக்கவுள்ள இயக்குனர் சிவா, இந்த படத்தில் நடிக்கும் நடிகர், நடிகையர் மற்றும் தொழில்நுட்ப கலைஞர்களை தேர்வு செய்யும் பிசியில் உள்ளார். இந்த நிலையில் இந்த  படத்திற்கு யுவன்ஷங்கர் ராஜா இசையமைப்பார் என்றும், அனிருத் இசையமைப்பார் என்றும் செய்திகள் வெளியாகி வருகிறது. மேலும் சிம்பு இசையமைக்கவும் வாய்ப்பு உள்ளது என்றும் ஒரு வதந்தி சமூக வலைத்தளங்களில் பரவி வருகிறது

இந்த நிலையில் சமீபத்தில் சூப்பர் ஹிட்டான 'விக்ரம் வேதா' படத்திற்கு இசையமைத்த சாம் சி.எஸ், விசுவாசம் படத்திற்கு இசையமைக்க வாய்ப்பு இருப்பதாக கூறப்படுகிறது. இந்த தகவலை சாம் சி.எஸ் மறுக்கவில்லை. இதுகுறித்து சாம் சி.எஸ் தனது சமூக வலைத்தளத்தில் கூறியபோது, 'அஜித்தின் விசுவாசம் படத்திற்கு இசையமைக்க பேச்சுவார்த்தை நடந்து வருவது உண்மைதான். ஆனால் இந்த படத்திற்கு நான் இசையமைப்பாளராக தேர்வு செய்யப்படுவேனா என்று எனக்கு தெரியவில்லை. ஆனாலும் நான் ஒரு மிகப்பெரிய தல ரசிகர். இந்த படத்திற்கு இல்லாவிட்டாலும் விரைவில் தல அஜித் படத்திற்கு இசையமைப்பேன் என்ற நம்பிக்கை எனக்கு உள்ளது. பொறுத்திருந்து பாருங்கள்' என்று பதிவு செய்துள்ளார்.

'விசுவாசம்' படத்திற்கு வித்தியாசமான புதிய இசை வடிவம் தேவை என்பதால் சாம் சி.எஸ் இசையமைப்பாளராக ஒப்பந்தம் செய்யப்பட அதிக வாய்ப்பு இருப்பதாக நம்பத்தகுந்த வட்டாரங்களில் இருந்து செய்திகள் வெளிவந்து கொண்டிருந்தாலும் இதுகுறித்து படக்குழுவினர் அதிகாரபூர்வமாக அறிவிக்கும் வரை பொறுமை காப்போம்