தெருவோரக் கடையில் டீ அருந்திக் கொண்டே பிரச்சாரம் செய்த நடிகை… வைரல் புகைப்படம்!
- IndiaGlitz, [Saturday,March 13 2021]
தமிழகச் சட்டப்பேரவைத் தேர்தலுக்கான வேட்பாளர் பட்டியல், தொகுதிப் பங்கீடு குறித்து பெரும்பாலான கட்சிகள் இறுதி செய்துவிட்டன. இதனால் வேட்பாளர்கள் தங்களுடைய தொகுதிகளில் பிரச்சாரம் செய்யவும் ஆரம்பித்து விட்டனர். இந்நிலையில் மக்கள் நீதி மய்யம் கட்சி சார்பாக மயிலாப்பூர் தொகுதியில் போட்டியிடும் நடிகை ஸ்ரீ பிரியா தன்னுடைய சூறாவளி பிரச்சாரத்தை தொடங்கி விட்டார்.
இதனால் மயிலாப்பூர் பகுதிகளில் ஒவ்வொரு வீதிகளில் இறங்கி நடந்து சென்றே நடிகை ஸ்ரீ பிரியா தேர்தல் பிரச்சாரத்தில் ஈடுபட்டு வருகிறார். மேலும் அவருடன் பிக்பாஸ் பிரபலம் சுரேஷ் தாத்தாவும் உடன் இருக்கிறார். இப்படி ஒவ்வொரு மனிதராக சந்தித்து நேரில் தேர்தல் பிரச்சாரத்தில் ஈடுபட்டு வரும் நடிகை ஸ்ரீ பிரியா ஒரு தெருவோர டீ கடையில் நின்று, டீ குடித்துக் கொண்டே அங்குள்ளவர்களுடன் பிரச்சாரத்திலும் ஈடுபட்டு இருக்கிறார். இந்தப் புகைப்படம் தற்போது சமூக வலைத்தளத்தில் வைராகி வருகின்றன.
நடிகர் கமல்ஹாசன் தலைமையிலான மக்கள் நீதி மய்யம் கட்சி, வரும் தமிழக சட்டசபை தேர்தலுக்காக சமத்துவ மக்கள் கட்சி மற்றும் இந்திய ஜனநாயகக் கட்சிகளுடன் கூட்டணி அமைத்து உள்ளது. இந்நிலையில் நடிகை ஸ்ரீ பிரியா டீ குடித்துக் கொண்டே, தெருத்தெருவாக இறங்கி பிரச்சாரம் செய்து வருவது பலரது கவனத்தையும் ஈர்த்து இருக்கிறது.