மணப்பெண் இவர்தான், விரைவில் திருமண தேதி: விஷ்ணு விஷால் அறிவிப்பு
- IndiaGlitz, [Monday,March 22 2021]
தமிழ் திரையுலகின் இளையதலைமுறை நடிகர்களில் ஒருவரான விஷ்ணு விஷால் கடந்த 2010ஆம் ஆண்டு ரஜினி நட்ராஜ் என்பவரை திருமணம் செய்தார் என்பதும் இருவரும் கல்லூரி கால நண்பர்கள் என்பதும் குறிப்பிடத்தக்கது. இந்த தம்பதிகளுக்கு ஆரியன் என்ற மகன் கடந்த 2017 ஆம் ஆண்டு ஜனவரி 31 ஆம் தேதி பிறந்தார் என்பது குறிப்பிடத்தக்கது.
இந்த நிலையில் விஷ்ணு விஷால் மற்றும் ரஜினி ஆகிய இருவருக்கும் கருத்து வேறுபாடு ஏற்பட்டதால் கடந்த 2018 ஆம் ஆண்டு நவம்பர் மாதம் விவாகரத்து பெற்றனர். இதனை அடுத்து கடந்த சில மாதங்களாக பிரபல பேட்மிண்டன் வீராங்கனை ஜூவாலா கட்டா என்பவரை விஷ்ணுவிஷால் காதலித்து வருவதாகவும் இருவருக்கும் திருமண நிச்சயதார்த்தம் கூட நடந்து விட்டதாகவும் கூறப்பட்டது.
இந்த நிலையில் விஷ்ணு விஷால் சமீபத்தில் அளித்த பேட்டியில் ’பேட்மிட்டன் விளையாட்டு வீராங்கனை ஜுவாலா கட்டாவை விரைவில் திருமணம் செய்ய போகிறேன் என்றும் திருமண தேதியை விரைவில் அறிவிக்க இருப்பதாகவும் தெரிவித்துள்ளார்.
இந்த நிலையில் விஷ்ணு விஷால் நடிப்பில் பிரபுசாலமன் இயக்கிய ’காடன்’ என்ற திரைப்படம் வரும் மார்ச் 26 ஆம் தேதி தமிழ் தெலுங்கு ஹிந்தி ஆகிய மொழிகளில் வெளியாக உள்ளது என்பது குறிப்பிடத்தக்கது.