భారత జాతీయ క్రికెట‌ర్ గా త‌న‌కంటూ గుర్తింపు తెచ్చుకున్న శ్రీశాంత్, ఇప్పుడు టీమ్-5 అనే చిత్రం ద్వారా వెండితెర‌కు ప‌రిచ‌యం కానున్నాడు. సురేష్ గోవింద్ దర్శకత్వం వహిస్తున్న టీమ్-5 చిత్రంలో కన్నడ భామ నిక్కీ గర్లాని కథానాయికగా నటిస్తోంది. అడ్వెంచ‌ర్ థ్రిల్ల‌ర్ గా తెర‌కెక్క‌నున్న ఈ చిత్రంలో శ్రీశాంత్ బైక్ రేస‌ర్ గా క‌నిపించ‌నున్నాడు. ఊపిరి, ప్రేమ‌మ్, మ‌జ్ను తాజాగా నిన్నుకోరి చిత్రాల‌కు సంగీతం అందించిన గోపీ సుంద‌ర్ ఈ చిత్రానికి కూడా సంగీతం అందిస్తున్నాడు. తెలుగు, త‌మిళ, మ‌ల‌యాళ భాష‌ల్లో ఏక‌కాలంలో షూటింగ్ పూర్తి చేసుకుని విడుద‌లకు సిద్ధ‌మైంది. కాగా ఈ చిత్రం యొక్క ట్రైలర్ లాంచ్ ఫంక్షన్‌ జులై 5 న హైదరాబాద్‌ లో చిత్ర ప్రముఖుల మధ్య జరిగింది. ఈ కార్యక్రమానికి ప్రముఖ నిర్మాతలు దాము, మధుర శ్రీధర్ రెడ్డి, రాజ్ కందుకూరి మరియు దర్శకుడు నవీన్ అతిధులుగా హాజరు అయ్యారు. చిత్ర యూనిట్ సభ్యులు నిర్మాత రాజ్ జకారియాస్, హీరో శ్రీశాంత్ నిక్కీ గర్లాని, పర్లీ హాజరయ్యారు.